”නිතරම අපි ඔට්ටුවට තබන්නේ මරණයයි. ගෙස්ටාපෝවට හසුවීම යනු අවසානය බව අපි දන්නෙමු. එම අවසානය ගැන මා හට සඳහන් කල නොහැක. අවිනිශ්චිතයි. එහෙත් මෙය සැබෑ යථාර්තයකි. අවසන් ජවනිකාවට තිරය විවෘත කිරීමට ආසන්නය. මිත‍්‍රවරුනි මම ඔබලාට ආදරය කරමි. එබැවින් ආරක්ෂාවන්න”.
හිට්ලර්ගේ නට්සි පාලන යුගයේ කෲර වද බන්ධනයන්ට යටත්ව මරා දමන ලද උත්තරීතර ජනමාධ්‍යවේදියෙකු වූ ජූලියස් ෆූචික් (Julius Fucik) ප‍්‍රකාශ කළ ඒ වදන් සදාකල්හිම අප හදවත් තුළ රැව් දෙන්නේ ඔහු ඒ තරම්ම පරමාදර්ශි මාධ්‍යවේදියෙකු වූ නිසාමය.

2021 නොවැම්බර් 28 දින පෙරවරුවේ මාධ්‍යවේදී විශ්වලිංගම් විශ්වචන්ද්‍රන් සිය මාධ්‍ය වාර්‍තාකරණයක යෙදී සිටියදී මුලතිව් හිදි අමානුෂික ප්‍රහාරයක ලක්ව තිබේ. මුල්ලිවෛක්කාල නාමපුවරුවෙහි ඡායාරූපයදී ගනිමින් සිටි අවස්ථාවේදී කටුකම්බි ඔතන ලද තල් පිත්තකින් විසින් මෙම ම්ලේච්ඡ ප්‍රහාරය සිදුකර තිබේ.  ප්‍රහාරය සිදුකර ඇත්තේ එම ස්ථානයේ රැඳීසිටි හමුදා භට පිරිසක් විසින් බව සිද්ධිය ඇසින් දුටු මාධ්‍යවේදීන් පවසා සිටී. මුලතිව් මාධ්‍ය සමාජයේ භාණ්ඩාගාරිකවරයා ද වන මාධ්‍යවේදී විශ්වලිංගම් විශ්වචන්ද්‍රන් මහතා මේ වන විට බරපතල තුවාල ලබා මුලතිව් දිසා රෝහලට ඇතුළත් කර ප්‍රතිකාර ලබමින් සිටින බව ද වාර්‍තා වේ.

බිඟුන් මේනක ගමගේ සහ චාමර සම්පත් විසිනි

මහජනතාවට අවශ්‍ය, අත්‍යවශ්‍ය ආහාර ද්‍රව්‍ය බාධාවකින් තොරව සාධාරණ මිලට සපයාදීමේ අරමුණෙන් 2021 ජුනි 7 වැනිදා ඒකාබද්ධ අමාත්‍ය මණ්ඩල පත්‍රිකාවක් ඉදිරිපත් වී තිබිණ. වරාය හා නාවික අමාත්‍ය රෝහිත අබේගුණවර්ධන හා වෙළෙඳ ඇමැති බන්දුල ගුණවර්ධන දෙපළ එක්ව ඉදිරිපත් කර තිබූ මෙම කැබිනට් යෝජනාවෙන් ඔවුන් ඉලක්ක කර තිබුණේ ශ්‍රී ලංකා වරාය අධිකාරියේ හා පෞද්ගලික පර්යන්තවල අත්හැර දමා ඇති අත්‍යවශ්‍ය ආහාර ද්‍රව්‍ය තොග හා ශ්‍රී ලංකා රේගුවෙන් රාජසන්තක කෙරුණු අත්‍යවශ්‍ය ආහාර ද්‍රව්‍ය තොගය.

දඹුල්ල කාංචන කුමාර ආරියදාස විසිනි

ගොවිජන සේවා දෙපාර්තමේන්තුව මගින් සීගිරිය අවුඩංගාව මහවැව ප්‍රතිසංස්කරණය කිරීමේ දී සිදුවී ඇතැයි කියන අක්‍රමිකතා හේතුවෙන් ගොවීන්ට කන්න දෙකක් වගාව අහිමිවී දැඩි අවදානමකට ලක්ව ඇතැයි පවසමින් 28 දින පෙරවරුවේ ගොවි නියෝජිතයෝ විරෝධතාවයක නිරත වූහ.

බිගුන් මේනක ගමගේ සහ තරිඳු ජයවර්ධන විසිනි

බන්ධනාගාර නියාමක සම්මුඛ පරීක්ෂණයේදී අක්‍රමිකතා සිදුව ඇති බව කියමින් අවසාන මොහොතේ පත්වීම් ලබාදීම අවලංගු කිරීමෙන් රටේම අවධානය ගැනීමට බන්ධනාගාර හා පුනරුත්ථාපන ඇමැති ස්වාමිනාදන් මහතා කටයුතු කළේ 2016 නොවැම්බරයේය. ඇමැතිවරයා එහිදී කියාසිටියේ බන්ධනාගාර නියාමක පත්වීම් අත්හිටුවා ඇති බව හා නියාමක පුරප්පාඩු 350 සඳහා නැවත සම්මුඛ පරීක්ෂණයක් පවත්වන බවයි. පත්වීම් අත්හිටුවීමට හේතුව ලෙස ඔහු දැක්වූයේ පත්වීම් ලබාදීමේදී අල්ලස් ගැනීම් හා වෙනත් අක්‍රමිකතා සිදුව ඇති බවට තමාට කරුණු වාර්තා වීමයි. ඒ වනවිට මාධ්‍ය මගින් ඇමැතිවරයා ද චෝදනාවකට ලක්ව තිබිණ.

මාධ්‍ය සේවක වෘත්තීය සමිති සම්මේලනයේ fmetu.org වෙබ් අඩවිය සඳහා මාධ්‍යවේදීන් පුහුණු කිරීමේ වැඩසටහනක් 2021 ඔක්තෝබර් 16 වෙනි දින පැවත්වින. මෙම වෙබ් පුහුණු වැඩසටහන මෙහෙයවන ලද්දේ ප්‍රකට වෙබ් පුහුණුකරුවෙකු වූ සජිත් සාරංග මහතා විසිනි. මෙම මාධ්‍යවේදීන් පුහුණු  පුහුණු කිරීමේ වැඩසටහන “අයිඑෆ්ජේ – යුනියන්-ටු-යූනියන්” 2021 වැඩ සටහන යටතේ සංවිධානය කෙරින.

“මාධ්‍ය සංවිධාන එකමුතුව ” නිදහස් මාධ්‍ය ව්‍යාපාරය, ශ්‍රී ලංකා වෘත්තීය ජනමාධ්‍යවේදීන්ගේ සංගමය, මාධ්‍ය සේවක වෘත්තීය සමිති සම්මේලනය, දෙමළ මාධ්‍ය සංධානය, මුස්ලිම් මාධ්‍ය සංසදය හා තරුණ ජනමාධ්‍යවේදීන්ගේ සංගමය ඒකාබද්ධ වු සංවිධානයකි.

මෙම සංවිධානයේ අනාගත ඒකාබද්ධ ක්‍රියාකාරකම් පිළිබඳ මාර්‍ගගත සාකච්ඡාවක් 2021 සැප්තැම්බර් 18 දින පැවත්වින. මේ සාකච්ඡාව සඳහා ජනමාධ්‍යවේදීන්ගේ ජාත්‍යන්තර සම්මේලනයේ, ආසියානු කලාපීය අධ්‍යක්ෂිකා ජේන් වර් තින්ග්ටන් මහත්මිය හා වැඩ සටහන් සම්බන්ධීකාරක උමේෂ් ප්‍රොක්වෙල් මහතා ද සහභාගී විය.

මෙම ඒකාබද්ධ රැස්වීම “අයිඑෆ්ජේ – යුනියන්-ටු-යූනියන්” 2021 වැඩ සටහන යටතේ සංවිධානය කෙරින.

“පුවත්පත් කලාවේදීන්ගේ පඩිපාලක සභාව”, රූපවාහිනී, ගුවන් විදුලි හා මුද්‍රිත මාධ්‍ය ක්ෂේත්‍රයන් සියල්ල එකාබද්ධකර “ජනමාධ්‍යවේදීන්ගේ පඩිපාලක සභාව” ලෙස නම් කිරීම, “ප්‍රාදේශීය මාධ්‍යවේදියා” තනතුර මාධ්‍යවේදීන්ගේ පඩිපාලක සභාවට ඇතුළත් කිරීම හා ප්‍රාදේශීය මාධ්‍යවේදියා සේවක අර්ථ සාධක අරමුදලේ සහ සේවක භාර අරමුදලේ හිමිකම ලබාගැනීම පිළිබඳව 2021 අප්‍රේල් 05 වෙනි දින, ගරු කම්කරු ඇමති නිමල් සිරිපාල ද සිල්වා මහතා සමග පැවති සාකච්ඡාවකින් පසු සාමූහ ඡායාරෑපයකට ‍පෙනී සිටි අවස්ථාව.

කම්කරු අමාත්‍යාංශයේ ලේකම්තුමා, කම්කරු කොමසාරිස් ජනරාල්තුමා, මාධ්‍ය ලේකම් සමග සාකච්ඡාවට සමිබන්ධ වූ ජනමාධ්‍යවේදීන් කණ්ඩායම ඡායාරෑපයේ වෙති.

IREX ආයතනයේ සහයෝගය ඇතිව මාධ්‍ය සේවක වෘත්තීය සමිති සම්මේලනය ප්‍රකාශයට පත්කළ ත්‍රෛභාෂා “වෘත්තීය ජනමාධ්‍යවේදීන්ගේ සංවිධාන අත්පොත” ගරු කම්කරු ඇමති නිමල් සිරිපාල ද සිල්වා මහතා වෙත ඔහුගේ කාර්‍ය්‍යාලයේ දී පිළිගැන්වූ අවස්ථාව. මෙම අත්පොත මගින් ජනාමාධ්‍යවේදීන්ගේ වෘත්තීමය හා සංවිධානමය ගැටළු සාකච්ඡා කරන අතර ඒවාට පිළියම් ලබාගැනීම පිළිබඳව සාකච්ඡා කරන, ජනමාධ්‍යවේදීන් විසින් පරිශීලනය කළයුතු අත් පොතකි.