“පුවත්පත් කලාවේදීන්ගේ පඩිපාලක සභාව”, රූපවාහිනී, ගුවන් විදුලි හා මුද්‍රිත මාධ්‍ය ක්ෂේත්‍රයන් සියල්ල එකාබද්ධකර “ජනමාධ්‍යවේදීන්ගේ පඩිපාලක සභාව” ලෙස නම් කිරීම, “ප්‍රාදේශීය මාධ්‍යවේදියා” තනතුර මාධ්‍යවේදීන්ගේ පඩිපාලක සභාවට ඇතුළත් කිරීම හා ප්‍රාදේශීය මාධ්‍යවේදියා සේවක අර්ථ සාධක අරමුදලේ සහ සේවක භාර අරමුදලේ හිමිකම ලබාගැනීම පිළිබඳව 2021 අප්‍රේල් 05 වෙනි දින, ගරු කම්කරු ඇමති නිමල් සිරිපාල ද සිල්වා මහතා සමග පැවති සාකච්ඡාවකින් පසු සාමූහ ඡායාරෑපයකට ‍පෙනී සිටි අවස්ථාව.

කම්කරු අමාත්‍යාංශයේ ලේකම්තුමා, කම්කරු කොමසාරිස් ජනරාල්තුමා, මාධ්‍ය ලේකම් සමග සාකච්ඡාවට සමිබන්ධ වූ ජනමාධ්‍යවේදීන් කණ්ඩායම ඡායාරෑපයේ වෙති.

IREX ආයතනයේ සහයෝගය ඇතිව මාධ්‍ය සේවක වෘත්තීය සමිති සම්මේලනය ප්‍රකාශයට පත්කළ ත්‍රෛභාෂා “වෘත්තීය ජනමාධ්‍යවේදීන්ගේ සංවිධාන අත්පොත” ගරු කම්කරු ඇමති නිමල් සිරිපාල ද සිල්වා මහතා වෙත ඔහුගේ කාර්‍ය්‍යාලයේ දී පිළිගැන්වූ අවස්ථාව. මෙම අත්පොත මගින් ජනාමාධ්‍යවේදීන්ගේ වෘත්තීමය හා සංවිධානමය ගැටළු සාකච්ඡා කරන අතර ඒවාට පිළියම් ලබාගැනීම පිළිබඳව සාකච්ඡා කරන, ජනමාධ්‍යවේදීන් විසින් පරිශීලනය කළයුතු අත් පොතකි.